前情提要：上次講到光圈字面數值越細，代表個圈越大，就可以有更多光線入到機身之餘，亦會有更強嘅景深效果。咁係咪光圈越大越好？
|大光圈優點|
大光圈容許更多光線進入機身，因而可以用到較快嘅快門，影夜景更方便；
同時，可以營造出較強景深，前清後矇效果更明顯，有助突顯主體。
|大光圈缺點|
用最大光圈攝影嘅合焦範圍較窄，要對焦得好準確，張相先會清晰；換言之比較容易out fo。
此外，大光圈可能影出嚟嘅銳利度相對較低，成像偏軟，影像邊緣容易化開；畫面整體記錄到較少細節（與細光圈相比）。
|細光圈優點|
正正與大光圈相反，細光圈嘅合焦範圍較闊，即係唔同距離嘅景物都可以同時影得清晰，對焦更輕鬆。
另外，細光圈嘅銳利度、對比度都會表現得比大光圈更好。唔少人都認為，一般鏡頭嘅表現都係出現於f/5.6~8.0之間。
|細光圈缺點|
由於細光圈入光量較少，代表要用比較慢嘅快門速度，所以撳快門嗰陣要特別小心手震。
|影相用咩光圈？|
店主會建議，根據攝影對象而決定用咩光圈📸
影人：用大光圈（0.95~2.8），有助突出主體。
影景：用中/細光圈（5.6或以上），可以容納更多畫面細節。
|小總結|
唔少新手都慣咗影相嘅時候，固定用同一級光圈；店主建議不妨試下唔同嘅光圈組合，出嚟嘅效果可能有意外驚喜！
|預告|
後日會有一個與光圈有關嘅有獎問答遊戲，想拎獎品？記得留意我哋Idiot Camera嘅post喇！
By #idiotCamera
Comments