除咗德國同日本，雙鏡機仲有冇其他選擇？當然有！今日介紹嘅 Flexaret 就係一個冷門之選～
 
二戰前嘅捷克斯洛伐克，有一間名為Optikotechna嘅公司，生產過軍用狙擊鏡及望遠鏡，亦有推出民用攝影機；Flexaret系列嘅第一部雙鏡機：Flexaret I早喺1939年面世。戰後公司更名為Meopta，並一直改進Flexaret系列。
Meopta曾經係東歐唯一嘅放大機生產商，對光學研究有一定水準，因此Flexaret 都保持到唔錯嘅質素。直到大約1971年，被蘇聯強制要求將生產線大部份轉移去製作軍事設備，先至停止咗相機研發。
 
作為一個冷門品牌，Flexaret系列嘅相機，有一種獨立於德國日本主流器材嘅設計，別出心裁同時又人性化。
例如佢哋標誌性嘅彎刀型對焦桿，唔似主流相機咁放置喺機身右側；而係放喺機底，令使用者可以一次過操控曬快門、光圈、對焦。
此外佢哋嘅機背開關、菲林滑軌、過片連動、取景框線等嘅設計，都經過獨家改良，比舊式雙鏡機用落更就手。
 
當然唔少得嘅，仲有由Flexaret VI開始，機身古典嘅灰綠色蒙皮，同金屬部件配搭之下，顯得獨特、低調而優雅。
 
Flexaret V （全黑色）
正價：$1880
現貨優惠：$1780
 
Flexaret VI （灰綠色）
正價：$2180
sold
 
已由店主全面檢查及翻新，即買即用～
 
雙鏡反光相機顧名思義，就係機身會有兩支鏡頭，上一支用作取景，下一支就用嚟影相。
雙鏡機通常係採用腰平對焦，望入取景器裏面，大大塊嘅對焦屏直接將面前嘅景像反射出嚟，超級好玩~望落比一般用開嘅眼平取景✔更有立體感。