又嚟推薦一款輕便嘅中幅相機：Konica Pearl ii。
 
「蛇腹機」又稱「風琴機」，喺鏡頭同機身之間，設有一個可摺疊嘅皮腔結構；唔用嗰陣可以將相機摺起，鏡頭隱藏喺機身入面。摺完之後尺寸同銀包差唔多大，攜帶更方便！
 
Konica Pearl 大約喺1950年左右生產。Konica 公司原本名為「小西屋六兵衞店」，早喺1873年就開始發展攝影相關事業，係日本最早期涉足攝影事業嘅公司之一。
50年代嘅日本經歷完二戰，經濟低迷；Konica喺嚴苛嘅環境底下，創造出Pearl系列，造工精良，鏡頭優質，係當時日本本土相機嘅代表作之一。
 
Pearl ii 拍攝6x4.5cm格式菲林，一卷可以影到16張，比67、69等格式更划算。
 
機身內置「聯動黃斑對焦」，與同期嘅估焦相機相比，可以取得更精準嘅對焦，冇咁易out fo。
 
鏡頭方面，採用嘅係Konishiroku Hexar 75mm 4.5鏡頭，應用咗獨家鍍膜技術，無論係色彩還原度定銳利度都相當不俗。
 
過片採用傳統紅窗嚟觀察拍攝張數，可以玩到多重曝光。
 
 
Konica Pearl ii
正價：$1680
 
附送原廠皮革底座。