有冇一部相機係特別有玩味又有歷史價值？今日嘅主角：Rolleicord Art-Deco，就做到兩者兼備喇。
 
眾所周知，德國嘅Rollei公司係雙鏡相機界嘅代表，”Rollei”依個名幾乎係「雙鏡機」嘅代名詞。佢哋早喺1929年就發表第一部雙鏡反光相機（TLR）；其後好幾年都一直精進雙鏡技術，喺1933年推出 “Rolleicord Art Deco”版本，就係佢哋嘅第四代雙鏡機。
 
“Art Deco”本身係一種藝術與設計風格，早喺1858年出現，大約喺上世紀20-30年代為全盛時期。“Art Deco”嘅一大特徵，就係運用豐富嘅材料與顏色，搭配幾何結構，呈現出奢華高貴嘅感覺。
 
喺“Art Deco”浪潮影響下，第四代Rolleicord亦大膽地嘗試新元素，放棄咗傳統黝黑嘅機身，改為銅版鍍鎳嘅幾何設計，喺光線照耀下金光粼粼，既典雅又莊重。拎上手把玩，喺光芒之中彷彿穿越回到20世紀初嘅歐洲城市，見證緊90年來嘅歲月變遷。
 
Rolleicord Art Deco只有大約3萬台，相機嚟講產量可謂相當少；極具收藏價值。Rolleicord唔係唯一一部有Art Deco元素嘅菲林相機，但能夠做得如此精緻、同時相機本身功能又實用可靠嘅話，可能真係得Rolleicord Art Deco一款。
 
現貨只有一部，緣份轉眼即逝，欲購從速！
 
 
Rolleicord Art Deco
正價：$4050
現貨優惠價：$3550
 
額外贈送：黃色濾鏡及原裝皮套，收藏用。
 
已新近完成修復，外表重新上蠟拋光；快門對焦等功能正常。
相機畢竟有近90年歷史，或多或少會有歲月痕跡，不合完美主義者。